jueves, 4 de enero de 2018

Concerto 3 de Xaneiro

Liceo Casino, día 3 de Xaneiro.  Estupendo ambiente na primeira actuación do coro infantil e un coro xuvenil coa importante colaboración dos exalumnos habituais, e fase de preparación para un bo grupo de xóvenes incorporacións.  Un repertorio variado, coa incorporación de algúns temas con interesantes partes de percusión - recreación dunha tormenta na selva, con bichos e todo-.

Felicitación do ano novo aos seguidores habituais e cada vez máis personas que nos van coñecendo e veñen a escoitarnos e vernos. E para todos os que a leades, por suposto.


Desexámosvos un novo ano coral

Onde as persoas coas que vos relacionedes
Sexa na familia, traballo ou sociedade
Vivan nun ambiente de igualdade, 
Sen ter en conta sexo, color nin habilidades.

Un ano novo coral
En que compañeiros, paisanos e amigos  
Traballen, convivan e cooperen,
Contribuíndo cada un cos seus medios, 
Para acadar o éxito colectivo, non só individual.
É o que no coro se chama empastar.

Un novo ano coral,
No que esteades rodeados de harmonía,
Porque todos os que vos rodean
Aportan o mellor que saben e poden,
Para que sexa agradable e fermosa a vida.
Como achega cada coralista o seu color, tono e timbre,
Para que o coro consiga a mellor das melodías.

Un novo ano coral
En que os líderes sexan os máis competentes,
Capaces de unir tódalas habilidades individuais,
Para beneficio de toda a sociedade,
En vez de para o propio lucimento e proveito.
O que ven sendo nun coro unha directora con moi bo xeito.

E combinando todos os timbres, cores, tonos, potencias e habilidades,
Que semellan palabras  parecidas, senón iguais,
Conseguir que a vida, as relacións laborais, familiares e sociais,
Formen unha fermosa e harmónica melodía,

Como conseguen crear con frecuencia as boas corais.

martes, 2 de enero de 2018

Concertos Nadal

Tras o concerto de música sacra o día 27 na igrexa de S. Bartolomé, mañán día 3 celebraremos un concerto máis animado e variado no Liceo Casino de Pontevedra.


Coro do I.E.S. A Xunqueira I de Pontevedra

Está formado por cincuenta rapaces e rapazas con idades comprendidas entre os doce e os vinte anos,
todos eles alumnos deste centro de ensino secundario, que sacrifican os seus recreos e algunhas tardes
para gozar do canto coral. Nesta agrupación tamén participa profesorado e antigo alumnado.
O repertorio que adoita interpretar responde o seu espírito novo e a súa estreita colaboración nos actos
académicos da comunidade educativa.
Ademais este coro está ligado á vida musical pontevedresa coa súa participación en certames corais
como o  Festival de Corais Deputación de Pontevedra, o  Festival de Corais Xuvenis de Meis, a
Semana da Música do I.E.S. A Xunqueira II, o Concerto 150 aniversario do Conservatorio Manuel
Quiroga de Pontevedra.
Xa son doce anos de música, nos que, baixo a dirección de María Luisa Sánchez e coa  colaboración da
Banda Musical do Instituto dirixida por Miguel Ángel Rodríguez,  gravaron varios discos: Rock no
ensino público , Nenos no Jazz e o seu último traballo Son Xunqueira, editado en 2016 e resultado final
da súa participación no Contrato Programa da Xunta de Galicia na súa liña para Acadar a Excelencia.
Dende a dirección, fomentase a formación vocal dos nosos coralistas así como a participación de toda a
comunidade educativa nun ambiente de colaboración co entorno e coas familias.
Nesta liña o coro realiza cursos e intercambios con diversas formacións corais: Coro María Guerrero de
Collado-Villalba; coro Galileo de Valladolid; Festival Ourencanto...
O noso anhelo…disfrutar xuntos e con vos da música coral.

Coro do CEIP A Xunqueira I de Pontevedra

Fundado no curso 2016-17 por nenos e nenas dese centro de primaria, pretende achegar o canto coral aos máis pequenos e ser a canteira para o coro do IES A Xunqueira I.

Xusto aos poucos meses da sua formación xa participou como coro invitado no certamen Ourencanto


Programa Liceo Casino Pontevedra, 3 de Enero de 2018.

CORO A XUNQUEIRA I

CAN’T HELP FALLING IN LOVE…………………………….Weiss/Peretti/Creatore
LORD, YOU ESTABLISH PEACE FOR US……………………Josu Elberdin
KESHET L’VANA (Un arcoíris blanco)………………………...Josef Hadar

-- -- -- -- -- -- -- -- -- -- -- -- -- -- -- -- --

DA ROSA ROSIÑA……………………………………………...Julio Domínguez
SAMBA LELE………………………………………………...…Popular de Brasil
LA CUCARACHA…………………………………………….…arr. Josu Elberdin
MANTUSHA LUPAMUSHA……………………………….......Josu Elberdin
I SEE THE MOON…………………………………………...... .Denise Bacon
ZULU WARRIOR……………………………………………..…Tradicional Zulú
AIRIA………………………………………………………....….Xabier Sarasola
IO SONO UN BAMBINO………………………………….....….trad. Italiana
HOTARU KOI………………………………………….……........trad. japonesa

-- -- -- -- -- -- -- -- -- -- -- -- -- -- -- -- -- --

MARY POPPINS IT’S COMING………………………………..Josu Elberdin
WADE IN THE WATER………………………………………….Espiritual tradicional
MARE NOSTRUM……………………………………………….Josu Elberdin
BONSE ABA……………………………………………………..Trad. Zambia